«დამტკიცებულია»
აკო «სმა» ყრილობის მიერ 2020 წლის 19 სექტემბერს
დებულება
საწევრო შენატანების ოდენობის და გადახდის წესის განსაზღვრის შესახებ საზოგადოებრივ არაკომერციულ ორგანიზაციაში „საქართველოს მეწარმეთა ალიანსი“
- წინამდებარე დებულება შემუშავებულია საქართველოს კანონმდებლობისა და საზოგადოებრივი არაკომერციული ორგანიზაციის „საქართველოს მეწარმეთა ალიანსი“ (შემდეგ ტექსტის მიხედვით - „სმა“) წესდების შესაბამისად.
- დებულება განსაზღვრავს საწევრო შენატანების ოდენობის დადგენის, გადახდის და აღრიცხვის წესს.
- საწევრო შენატანები წარმოადგენს „სმა“-ს ქონების ფორმირების ერთერთ წყაროს.
- „სმა“-ს ყველა წევრი არის საწევრო შენატანების გადამხდელი.
- კავშირის წესდების მიერ დადგინდა საწევრო შენატანების შემდეგი სახეობები:
5.1. შესასვლელი საწევრო შენატანი;
5.2. ყოველწლიური საწევრო შენატანი;
5.3. მიზნობრივი საწევრო შენატანი.
- საწევრო შენატანები გადაიხდება ფულადი სახით. „სმა“-ს წევრის ან წევრობის კანდიდატის განცხადების საფუძველზე „სმა“-ს მმართველობას შეუძლია დართოს ნება საწევრო შენატანის სახით შეტანილ იქნეს საწევრო შენატანის თანხის ტოლფარდი ქონება.
- საწევრო შენატანები ექვემდებარება „სმა“-ს ანგარიშზე შეტანას.
- კალენდარული (საფინანსო) წელიწადის ათვლა წარმოებს პირველი იანვრიდან ოცდათერთმეტი დეკემბრის ჩათვლით.
- შესასვლელი საწევრო შენატანი იხდება სრული ოდენობით, „სმა“-ში გაწევრიანების თვის მიუხედავად. გადაწყვეტილება „სმა“-ში წევრად მიღების შესახებ მიიღება „სმა“-ს ანგარიშზე შესასვლელი საწევრო შენატანის დარიცხვის შემდეგ.
- შესასვლელი საწევრო შენატანი იხდება სრული ოდენობით ერთჯერადი გადახდის სახით.
- შესასვლელი საწევრო შენატანის გადახდის შემდეგ კანდიდატი მიიღება „სმა“-ს წევრთა რიგებში „სმა“-ს სამმართველოს წევრად მიღების შესახებ დადგენილების საფუძველზე. უარის შემთხვევაში „სმა“-ში წევრობის კანდიდატს უბრუნდება გადახდილი შესასვლელი საწევრო შენატანი.
- საწევრო შენატანების ოდენობა დგინდება გადამხდელთა ჯგუფების მიხედვით: იმ ორგანიზაციებთან მიმართებაში, რომელთა წარმომადგენლები არჩეული არიან სამმართველოს შემადგენლობაში - სამმართველოს გადაწყვეტილებით (მითითებული საწევრო შენატანი შეიძლება შეტანილ იქნეს შენაწირის სახით); „სმა“-ს სხვა წევრებთან მიმართებაში - სამმართველოს გადაწყვეტილებით სამმართველოს თავმჯდომარის შეთავაზების საფუძველზე. „სმა“-ს წევრებს უნდა აცნობონ საწევრო შენატანების ოდენობის ცვლილების შესახებ.
- ყოველწლიური საწევრო შენატანები იხდება „სმა“-ს წევრების მიერ, დაწყებული „სმა“-ში წევრობის მეორე კალენდარული წლიდან.
- ყოველწლიური საწევრო შენატანები იხდება ერთჯერადი გადახდის სახით არაუგვიანეს მიმდინარე საფინანსო წლის 31 მარტისა ან გადახდის განვადებით. გადახდის განვადება წარმოებს გადამხდელის წერილობითი განცხადების საფუძველზე „სმა“-ს სამმართველოს თავმჯდომარის გადაწყვეტილებით. განვადების დროს გადახდები იწარმოება ყოველწლიური საწევრო შენატანის გადახდის კალენდარულის წლის ფარგლებში. პირველი გადასახადი შენატანის ჯამური თანხის არანაკლებ 50% ოდენობით იხდება არაუგვიანეს 31 მარტისა, მეორე გადახდა წარმოებს არაუგვიანეს 30 სექტემბრისა.
- საწევრო შენატანების არგადახდა ითვლება „სმა“-ს წესდების უხეშ დარღვევად.
- ინფორმაცია „სმა“-ს წევრთა შესახებ, რომლებსაც არ აქვთ გადახდილი გასული კალენდარული (საფინანსო) წლის საწევრო შენატანები, განიხილება „სმა“-ს მმართველობის მიერ.
- „სმა“-ს წევრებს, რომლებსაც უდროოდ ან არასრულად აქვთ გადახდილი ყოველწლიური საწევრო შენატანები:
17.1. არ გააჩნიათ ხმის უფლება „სმა“-ს მმართველობის ორგანოებში საწევრო შენატანის დავალიანების სრულად დაფარვამდე;
17.2. ვერ აირჩევიან „სმა“-ს მმართველობის ორგანოებში საწევრო შენატანის დავალიანების სრულად დაფარვამდე;
17.3. შეიძლება გაირიცხონ „სმა“-ს წევრთა რიგებიდან მმართველობის გადაწყვეტილებით.
- „სმა“-ს წევრებს, რომელთა მიმართ გამოყენებულ იქნა პარაგრაფში 17.3 გათვალისწინებული ქმედება, აქვთ უფლება „სმა“-ში განმეორებით წევრობაზე მხოლოდ გარიცხვის დროს არსებული საწევრო შენატანების დავალიანების დაფარვის შემდეგ.
- გადამხდელთა და საწევრო შენატანების გადახდების აღრიცხვას აწარმოებს „სმა“-ს პასუხისმგებელი თანამშრომელი.
- ყოველწლიურად წარმოებს გასული კალენდარული (საფინანსო) წლის მონაცემების შეჯერება „სმა“-ს წევრთა და საწევრო შენატანების გადახდის შესახებ.
მმართველობის თავმჯდომარე __________________ /____________/